रुपन्देहीमा पाँच जनाको हत्या, एक जना पक्राउ

२७ जेठ, काठमाडौं । रुपन्देहीको तिलोत्तमा नगरपालिका–१०, मैनहवामा पाँच जनाको सामूहिक हत्या भएको छ । हत्या हुनेहरुमा चार पुरुष र एक महिला छन् । मृतकहरुमा माधव मुसहर,जानकी मुसहर, करण चौधरी, आशिष चौधरी, पोषराज मुसहर हुन् । ५ जनाको हत्यामा संलग्नता रहेको आरोपमा प्रहरीले एक जनालाइ नियन्त्रणमा लिएकाे जानकारी दिएकाे छ । प्रहरीकाे अनुसार मंगलबार बिहान अपराधस्थलबाट भाग्दै गर्दा उनलाई स्थानीयले समातेर प्रहरीको जिम्मा लगाएका थिए । त्यसपछि नै उनी बेहोस भएको अधिकृतहरुको भनाइ छ ।