ईलाम र उदयपुर: खोलामा डुबेर दुई जनाको मृत्यु

१६ असार, दाङ्ग । ईलाम र उदयपुरका २ स्थानमा खोलामा डुबेर २ जनाको मृत्यु भएको छ । ईलामको देउमाई नगरपालिका-५ का २५ बर्षीय हरि प्रसाद चापागाई देउमाई खोलामा डुबिरहेको अवस्थामा मृत फेला परेका छन् । सोमवार दिउँसो देखी हराईरहेका चापागाई आज बिहान साँढे ८ बजे उक्त खोलामा डुबेर मृत अवस्थामा भेटिएकाे ईलाका प्रहरी कार्यालयले जनाएको छ । यसैगरी उदयपुरको त्रियुगा नगरपालिका-१३ का ३८ बर्षीय सन्तोष भुजेलको बरुवा खोलामा पौडी खेल्ने क्रममा डुबेर मृत्यु भएको छ । आज दिउँसो सवा २ बजे बरुवा खोलामा पौडी खेलिरहेको अवस्थामा अचानक डुबेर मृत्यु भएको भन्ने जानकारी पाए लगत्तै जिल्ला प्रहरी कार्यालय उदयपुरबाट प्रहरी टोली खटि गई अनुसन्धान तथा कानूनी प्रकृया भईरहेको उक्त कार्यालयले जनाएको छ ।

Read More

रुकुममा मारिएका नवराज विकलाई मानव मर्यादा राष्ट्रिय पुरस्कार

१५ असार, दाङ्ग । जरकोटका नवराज विकलाई सरकारले मरणोपरान्त पुरस्कार दिने भएको छ। संस्कृति, पर्यटन तथा नागरिक उड्डयन मन्त्रालयका प्रवक्ता रूद्रसिंह तामाङले सोमबार जारी गरेको विज्ञप्तिमा जाजरकोटका नवराजलाई समाज सुधार अभियानतर्फ पुरस्कृत गर्ने निर्णय भएको हो। गत जेठ १० मा प्रेमिका लिन साथीहरुसहित पश्चिम रुकुम पुगेका विकसहित ६ जनाको स्थानीयहरुबाट हत्या गरिएको थियो।

Read More

दाङमा आईतवार थप ३४ जनामा कोरोना संक्रमण

१४ असार, दाङ / दाङमा आईतवार थप ३४ जनामा कोरोना संक्रमण पुष्टि भएको छ । राप्ती स्वास्थ्य विज्ञान प्रतिष्ठान घोराहीमा पिसिआर परीक्षण गर्दा ४० जनाको रिपोट पोजेटिभ आएको छ । जसमा तुलसीपुरका ७ जना सहित दाङमा ३४ जना कोरोना संक्रमित थपिएका छन् । बाँकी ६ जना मध्ये पाँच जना कपिलवस्तु र एक जना रोल्पाका रहेका छन् । तुलसीपुर ११ उरहरी मावि क्वारेन्टाईनबाट संकलन गरिएको नमुना परिक्षण गर्दा दुई जनामा कोरोना पुष्टि भएको हो । तुलसीपुर ११ का ३५ र रुकुमका ३५ वर्षिय पुरुषमा कोरोना पुष्टि भएको हो । यस्तै रक्षाचौर क्वारेन्टाईनबाट संकलन गरिएको ५ जनाको नमुना परिक्षण गर्दा रिपोट पोजेटिभ आएको छ । यस्तै घोराहीका ५ जना, बंगलाचुलीका १४ जना र राप्ती गाउँपालिका ८ जनामा कोरोना पुष्टि भएको छ ।

Read More

मोरङ: लागुऔषधसहित एक जना पक्राउ

१० असार, दाङ्ग । मोरङको बिराटनगर महानगरपालिका-१६ दरैयाबाट लागुऔषध कोरेक्स सहित १ जना पक्राउ परेका छन् । ईलाका प्रहरी कार्यालय मोरङबाट खटिएको प्रहरी टोलीले मंगलवार राती १२ बजे स्थानीय १९ बर्षीय सुधिर पासवानलाई २२ बोतल लागुऔषध कोरेक्स सहित पक्राउ गरेको हो । पक्राउ परेका पासवानको सम्बन्धमा थप अनुसन्धान भईरहेको उक्त कार्यालयले जनाएको छ

Read More

गण्डकी प्रदेशमा शनिबार ५८ जनामा काेराेना पुष्टि

६ असार, दाङ्ग । गण्डकी प्रदेशमा आज शनिबार ५८ जना सङ्क्रमित थपिएका छन । प्रदेश स्वास्थ्य निर्देशनालय पोखराले बिहान जारी गरेको पछिल्लो अद्यावधिक विवरणमा कास्कीमा २, तनहुँमा २५, नवलपुरमा १६, गोरखामा ५, बाग्लुङमा ८ तथा म्याग्दी र स्याङ्जामा १÷१ जना सङ्क्रमित थपिएको निर्देशनालयका निर्देशक एवं प्रदेशमा कोरोना रोकथाम, नियन्त्रण एवं व्यवस्थापनका लागि गठन गरिएको उच्चस्तरीय निर्देशक समितिका प्रवक्ता डा. विनोदविन्दु शर्माले जानकारी दिएका छन् । नयाँ सङ्क्रमित भारतबाट आएर सम्बन्धित जिल्लाको क्वारेन्टिनमा रहेका र अहिले सबै जनालाई जिल्लास्थित आइसोलेसन कक्षमा लैजाने तयारी भइरहेको निर्देशक शर्माले जानकारी दिएका छन ।

Read More

विश्वमा कोरोना सङ्क्रमितको संख्या ८१ लाख बढि

२ असार, दाङ्ग । विश्वभर कोरोना सङ्क्रमण पुष्टि भएकाको संख्या ८१ लाख नाघेको छ । विश्वका विभिन्न देशमा गरी ८१ लाख १३ हजार ६ सय ७९ जनामा कोरोना सङ्क्रमण पुष्टि भएकोमा ४२ लाख १३ हजार ६ सय ३ जना निको भएका वर्ल्डओमिटरले जनाएको छ । ४ लाख ३९ हजार ८५ जनाको भने कोरोना सङ्क्रमणका कारण ज्यान गएको छ । साेमबार सम्ममा नेपालमा थप ४५१ जनामा काेराेना संक्रमण पुष्टि भएकाे छ । स्वास्थ्य तथा जनसंख्या मन्त्रालयका प्रवक्ता जागेश्वर गाैतमले नेपालमा थप ४५१ जनामा काेराेना संक्रमण पुष्टि गरे । कोरोना संक्रमण निको भएर हालसम्म १ हजार ४१ जना डिस्चार्ज भएका छन् । जसमा ९ सय ३७ पुरुष र १ सय ४ जना महिला रहेका छन् । हालसम्म ६ हजार २ सय ११ जनामा कोरोना संक्रमण भएको पुष्टि छ ।

Read More

कोरोनाबाट मृत्यु हुनेको संख्या १६ पुग्यो जित्नेको संख्या ८ सय ७७

३० जेठ, दाङ्ग । नेपालमा कोरोना संक्रमितको संख्या पाँच हजार नाघेको छ। स्वास्थ्य तथा जनसंख्या मन्त्रालयका प्रवक्ता गौतमका अनुसार शुक्रबार चार सय २८ जनामा संक्रमण पुष्टि भएसँगै संक्रमितको संख्या पाँच हजार ६२ पुगेको हो। कोरोना जित्नेको संख्या भने ८ सय ७७ पुगेको छ नेपालमा कोरोनाभाइरसबाट मृत्यु हुनेको संख्या १६ पुगेको छ । अर्घाखाँचीको मालारानीका ५७ वर्षीय पुरुषको मृत्यु भएको स्वास्थ्य मन्त्रालयका प्रवक्ता जागेश्वर गौतमले शुक्रबारको नियमित पत्रकार सम्मेलनमा जानकारी दिए ।

Read More

लकडाउन आजदेखि खुकुलो गराउँदै

दाङ, २९ जेठ । सरकारले ८० दिनपछि लकडाउनको मोडालिटी परिर्वतन गर्ने निर्णय गरेको छ । आजदेखि स्वास्थ्य सुरक्षाका मापदण्डहरु पालना गरेर कृषि, उद्योग, व्यापारिक क्षेत्र संचालन गर्न सकिने भएको छ । प्रधानमन्त्रीको सरकारी निवास बालुवाटारमा बुधबार बसेको मन्त्रिपरिषद् बैठकले सुरक्षाका मापदण्ड अपनाएर पसल खोल्न दिने निर्णय गरेको हो । जोखिम कम भएका क्षेत्रहरूमा जोर बिजोर प्रणाली लागू गरेर ट्याक्सी र मोटरसाइकललगायत निजी गाडी चलाइने भएको छ । विद्यालय, सिनेमा हललगायतका धेरै भिडभाड हुने स्थानहरु भने तत्काल खुल्ने छैनन् । सरकारले पहिलो पटक चैत ११ देखि १८ गतेसम्म लकडाउन गरेको थियो । कोरोना सङ्क्रमणको जोखिम बढ्दो क्रममा रहेको निष्कर्ष निकाल्दै लकडाउनलाई लम्ब्याउन उच्चस्तरीय समितिले सिफारिस गरे अनुसार सरकारले अन्तिम पटक जेठ ३२ गतेसम्म लकडाउनको समय थप गरेको छ ।

Read More

रुपन्देहीमा पाँच जनाको हत्या, एक जना पक्राउ

२७ जेठ, काठमाडौं । रुपन्देहीको तिलोत्तमा नगरपालिका–१०, मैनहवामा पाँच जनाको सामूहिक हत्या भएको छ । हत्या हुनेहरुमा चार पुरुष र एक महिला छन् । मृतकहरुमा माधव मुसहर,जानकी मुसहर, करण चौधरी, आशिष चौधरी, पोषराज मुसहर हुन् । ५ जनाको हत्यामा संलग्नता रहेको आरोपमा प्रहरीले एक जनालाइ नियन्त्रणमा लिएकाे जानकारी दिएकाे छ । प्रहरीकाे अनुसार मंगलबार बिहान अपराधस्थलबाट भाग्दै गर्दा उनलाई स्थानीयले समातेर प्रहरीको जिम्मा लगाएका थिए । त्यसपछि नै उनी बेहोस भएको अधिकृतहरुको भनाइ छ ।

Read More

रुपन्देहीको लितोत्तमा कोदालो प्रहार गरी ५ जनाको विभत्स हत्या

काठमाडौँ, जेठ २७ : रुपन्देहीको लितोत्तमा नगरपालिका वडा नं १० मैनहवामा रहेको एक पशु फार्ममा ५ जनाको हत्या भएको छ ।

लितोत्तमा नगरपालिका–१० अन्तर्गत कान्छी बजारमा रहेको गंगादेवी पशु फार्ममा एक महिलासहित ५ जनाको सामुहिक हत्या भएको वडाअध्यक्ष व्यास मुन थारुले काठमाडौं प्रेसलाई जानकारी दिए । उनका अनुसार कोदालो प्रहार गरी विभत्स हत्या गरिएको हो ।

सोही फार्ममा रहेका सुर्खेतका झपेन्द्र सिंह सिंजालीले सोही फर्ममा काम गर्ने ५ जना अन्य कामदारको हत्या गरेर भागेको हुन सक्ने अनुमान गरिएको छ । प्रहरीको टोली आइपुग्दा उनी त्यहाँबाट फरार भईसकेको वडाअध्यक्ष थारुले बताए ।

अहिले प्रहरीको टोलीले घटनाको अनुसन्धान गरिरहेको छ । हत्या किन र कसरी भयो भन्ने बारेमा केहि जानकारी आएको छैन् ।  मृतकको विवरण खुलेको छैन ।

Read More

नेपालमा थप ३१४ जनामा काेराेना पुष्टि, संक्रमितकाे संख्या ३ हजार ७ सय ६२ पुग्याे

२६ जेठ, दाङ्ग । नेपालमा थप ३१४ जनामा काेराेना पुष्टि भएकाे छ ।

स्वस्थ्य तथा जनसंख्या मन्त्रालयका प्रवक्ता डा. जागेश्वर गौतमले नेपालमा थप ३१४ जनामा काेराेना पुष्टि भएकाे जनकारी दिए ।

सोमबार संक्रमित भेटिएकामध्ये २ सय ९४ जना पुरुष र २० जना महिला रहेका छन् ।

याे संगै नेपालमा काेराेना संक्रमितकाे संख्या ३ हजार ७ सय ६२ पुगेकाे छ ।

Read More

सल्यानमा एक महिलाले गरीन आफ्नै श्रीमानकाे हत्या

२६ जेठ, दाङ्ग :
सल्यानमा एक महिलाले आफ्नै श्रीमानको हत्या गरेकी छन् । जिल्लाको त्रिवेणी गाउँपालिका ६ भुम्केज्युलाकी ३६ वर्षिया एक महिलाले आफ्नै ३८ वर्षिय श्रीमान डिल्ली बहादुर घर्तीको हत्या गरेको जिल्ला प्रहरी कार्यालय सल्यानले जनाएको छ ।

आइतबार राती साढे ८ बजेतिर आफ्नै घरमा काठ चिर्ने फलामले हानि गम्भिर घाइते भएका घर्तीको सल्यान जिल्ला अस्पतालमा उपचारको क्रममा मृत्यु भएको जिल्ला प्रहरी कार्यालय सल्यानका प्रहरी प्रमुख डिएसपी ढकेन्द्र खतिवडाले बताउनुभयाे।

मृतक घर्तीको शवको पोष्टमार्टमका लागि आफन्तहरु अस्पताल आउदै गरेकाले आजनै पोष्टमाटम हुने जिल्ला प्रहरी कार्यालय सल्यानले जनाएको छ । हत्याको आरोपमा श्रीमतीलाई थप अनुसन्धानका लागि इलाका प्रहरी कार्यालय लुहामले नियन्त्रणमा लिएर राखेको छ।

Read More

दाङ कोरोना संक्रमितको संख्या ७६ पुग्यो

दाङ, २५ जेठ ।
दाङमा थप दुई जनामा कोरोना संक्रमणको पुष्टि भएको छ । राप्ती स्वास्थ्य विज्ञान प्रतिष्ठानमा भएको परीक्षणमा घोराही उपमहानगरपालिका १९ का २४ वर्षीय र लमही नगरपालिका ५ का २७ वर्षीय गरेर दुई पुरुषमा कोरोना पुष्टि भएको हो । 

घोराही उपमहानगरपालिकामा २३ जना, बंगलाचुली गाउँपालिकामा १८ जना, गढवा गाउँपालिकामा ८ जना, तुलसीपुर उपमहानगपालिकामा ५ जना, लमही नगरपालिकामा १० जना, राजपुर गाउँपालिकामा ६, राप्ती र बबईमा २÷२ जनामा संक्रमण देखापरेको छ । यो सहित दाङमा संक्रमित हुनेको संख्या ७६ पुगेको छ । कुल संक्रमित मध्ये दुई जना जिल्ला बाहिर संक्रमण पुष्टि भएका हुन् । शान्तिनगर गाउँपालिका र दंगिशरण गाउँपालिकामा अहिलेसम्म संक्रमण देखा परेको छैन् ।

Read More

गण्डकीमा थप ३८ जनामा कोरोना संक्रमण पुष्टि

२५ जेठ, दाङ्ग। गण्डकीमा थप ३८ जनामा कोरोना संक्रमण पुष्टि भएकाे छ ।

पुष्टि हुनेमा गण्डकी प्रदेशको स्याङ्जा जिल्लामा १४, बाग्लुङमा १०, गोरखा जिल्लामा १० र नवलपरासी बर्दघाट सुस्ता पूर्व ४ गरी ३८ जनामा कोरोना सक्रमण देखिएको हो।

गण्डकी प्रदेशमा हालसम्म सक्रमितको संख्या १ सय १३ पुगेको छ।

Read More

विदेशबाट उद्दार गरी ल्याइएका नागरिकलाई नेपाल टेलिकमकाे निःशुल्क सिमकार्ड

२२ जेठ, दाङ्ग। सरकारले विदेशबाट उद्दार गरी ल्याउने नेपाली नागरिकलाई नेपाल टेलिकमले निःशुल्क सिमकार्ड उपलब्ध गराउने भएको छ । 

टेलिकमले भारतबाट स्वदेश फर्कने नागरिकहरुका लागि विभिन्न २० वटा आवागमन स्थल (नाका)हरु तथा हवाईमार्गबाट स्वदेश फर्कने नेपाली नागरिकहरुलाई बस्ने व्यवस्था मिलाउने क्वारेन्टाइन स्थल तथा होल्डिङ सेन्टरहरुमा बुथ स्थापना गरी निःशुल्क सिम उपलब्ध गराउन लागेको हो ।

यस प्रयोजनका लागि कम्पनीले तत्काल १ लाख सिमकार्डको व्यवस्था गरिसकेको एक विज्ञप्तिमार्फत जानकारी दिएको छ । 

यसरी सिम प्राप्त गर्नका लागि नागरिकता, राहदानी, सवारीचालक अनुमतिपत्र, ट्राभल डकुमेन्ट वा परिचय झल्कने अन्य कागजात उपलब्ध गराउनु पर्नेछ । स्वदेश प्रवेश गर्ने नागरिकसँग कुनै परिचय पत्र उपलब्ध नभएको अवस्थामा उनीहरुका आफन्त तथा निकटका व्यक्तिको परिचय पत्रबाट पनि सिम उपलब्ध गराउन सकिने टेलिकमले जनाएको छ ।

साथै, त्रिभुवन अन्तर्राष्ट्रिय विमानस्थलबाट नेपाल प्रवेश गर्ने नेपालीहरुका लागि नेपाल सरकारले काठमाडौ उपत्यकामा व्यवस्था गर्ने ८ वटा होल्डिङ सेन्टरहरुमा निःशुल्क वाइफाई सेवा उपलब्ध गराउने पनि टेलिकमले जनाएको छ । यी प्रयासहरुबाट ग्राहकलाई थप सुविधा पुग्नुका साथै समुदायमा कोरोना भाइरस नियन्त्रण गर्न मद्दत पुग्ने विश्वास पनि टेलिकमले लिएको छ 

Read More

दाङमा थप ८ जनामा काेराेना संक्रमण, टोटल संक्रमीतकाे संख्या ५१

दाङ्ग, २० जेष्ठ ..
दाङमा थप आठ जनामा कोरोना भाइरसको संक्रमण देखिएको छ ।राप्ती स्वास्थ्य विज्ञान प्रतिष्ठानमा पिसिआर विधिबाट गरिएको कोरोना परिक्षणका क्रममा दाङको बंगलाचुली गाउँपालिकाका ६ जना र राप्ती गाउँपालिकामा दुई जना गरि आठ जनामा कोरोना भाइरसको संक्रमण देखिएको हो ।जस मध्य बंगलाचुली गाउँपालिका–७ निवासी २९ बर्षीय एक पुरुष र बंगलाचुली–५ का १९, २७, ३१, ३२ र ५४ बर्षीय पुरुषहरुमा कोरोनाको संक्रमण देखिएको राप्ती स्वास्थ्य विज्ञान प्रतिष्ठानले जनाएको छ । उनीहरु सरस्वती माध्यामिक विद्यालय जवरकोट र सुधा माध्यामिक विद्यालय झेल्नेटाको क्वारेन्टाइनमा बस्दै आएका थिए ।त्यसै गरी देउखुरीको राप्ती गाउँपालिका–१ निवासी १८ बर्षीय पुरुष र ९ नम्वर वडाका ५५ बर्षीय पुरुषमा पनि कोरोनाको संक्रमण देखिएको प्रतिष्ठानले जनाएको छ । उनीहरु नवप्रतिभा आधारभुत विद्यालय र आदर्श माधयामिक विद्यालयको क्वारेन्टाइनमा बस्दै आएका छन । यो सँगै दाङमा ५१ जनालाई कोरोना संक्रमण देखिएको छ ।मंगलवार नै प्यठानको स्वर्गद्धारीनगरपालिका–४ निवासी ५९ बर्षीय एक पुरुषमा पनि कोरोनाको संक्रमण देखिएको प्रतिष्ठानले जनाएको छ ।

Read More

नेपालको इतिहासकै सबैभन्दा अकल्पनीय र रहस्यमय घटना दरबार हत्याकाण्डको १९ वर्ष

१९ जेठ, दाङ्ग । पूर्वराजा वीरेन्द्र शाह सहित दश जनाको ज्यान जानेगरी रहस्यमयी दरबार हत्याकाण्ड भएको सोमबार १९ वर्ष पुगेको छ ।

वि.स. २०५८ जेठ १९ गते तत्कालीन राजा वीरेन्द्र शाहको वंशनास हुने गरी ‘दरवार हत्याकाण्ड’ अझैपनि रहस्यमय नै रहेको छ । नेपालको इतिहासकै सबैभन्दा अकल्पनीय र रहस्यमय घटनाको रुपमा लिइएको यस हत्याकाण्डमा तत्कालीन राजा वीरेन्द्रसहित रानी ऐश्वर्य, युवराज दीपेन्द्र र निराजन तथा युवराज्ञी श्रुती लगायतको हत्या भएको थियो ।

नागरिकले इतिहासकै कालो दिनको रुपमा लिँदै आएको यो दिनमा सरकारी स्तरबाट कुनै कार्यक्रम नगरिएपनि विभिन्न संघ संस्थाले भने श्रदाञ्जली अर्पण गर्दै आएका छन् । योगी नरहरिनाथ ट्रष्ट आध्यात्मिक परिषद्ले लकडाउकै बिच ललितपुरको जावलाखेलमा रहेको पूर्वराजा वीरेन्द्रको शालिकमा माल्यार्पण तथा श्रद्धाञ्जली कार्यक्रम आयोजना गरेको थियो ।

हत्याकाण्डबारे तत्कालिन सर्वोच्च अदालतका प्रधानन्यायाधीश केशवप्रसाद उपाध्याय, सभामुख तारानाथ रानाभाटसहितको छानविन समिति बनाएको थियो । उक्त समितिले यूवराज दीपेन्द्र शाहले आफ्नै परिवार माथि गोलि चलाएको र आफुले पनि गोली हानेर आत्महत्या गरेको रिपोर्ट सार्बजनिक गरेको भएपनि यसलाई धेरैले विश्वास गरेका छैनन् ।

Read More

दुर्घटना अपडेट: गाडिमा वागचाैर र छत्रेश्वरीका मानिस सल्यान आउदै थिए, १२ काे ज्यान गयाे २१ घाइते

दाङ्ग ।   बाँकेमा आइतबार मध्यराति गाडी दुर्घटना हुँदा ११ जनाको मृत्यु भएको छ, २२ जना घाइते भएका छन्। मृत्यु भएकामध्ये १० पुरूष र १ महिला रहेकाे भेरी अञ्चल अस्पताल स्राेतले जनाएकाे छ ।

पूर्वपश्चिम राजमार्गअन्तर्गत बाँकेको राप्तीसोनारी-२ स्थित ठुरिया जंगल अगैया नजिक राति १२ बजेतिर हाइस गाडी दुर्घटनामा परेकाे हाे।

बाँके जिल्ला प्रहरी कार्यालयका अनुसार नेपालगन्जबाट सल्यान जाँदै गरेको ना ५ ख ५९९५ नम्बरको हाइस गाडी रोकिराखेको बा ४ ख ९०६४ नम्बरको ट्रकमा ठोक्किएकाे हाे।

दुर्घटनामा ११ जनाको घटनास्थलमै मृत्यु भएको छ भने २२ जना घाइते भएकाे प्रहरीले जनाएकाे छ। घाइते मध्ये ४ जनाको अवस्था गम्भिर रहेको बताईएको छ ।

घाइतेहरुलाई भेरी अस्पताल लगिएकाे छ। शव पनि त्यही अस्पतालकाे गृहमा शव राखिएको छ।

मृतकको सनाखत हुन बाँकी रहेको प्रहरीले जनाएको छ।

Read More