दाङमा २० बर्ष कैद तोकिएका कैदी प्रहरीकै मोटरसाईकल लगेर फरार

दाङ जिल्ला कारागा रबाट एक कैदी आफूलाई अस्पताल लगिएको मौकामा प्रहरीकै मोटरसाइकल लिएर फ रार भएका छन्। प्रहरीका अनुसार कर्तव्य ज्यान मु द्दामा २० वर्ष कैद तोकिएका दाङकै २८ वर्षीय यमराज परियार बिहीबार अस्पतालबाट भागेका हुन्। उनी जिल्ला कारागारका ना इके थिए। छालासम्बन्धी रो ग उपचारका लागि अस्पताल गएका बेला परियार प्रहरी जवान धनबहादुर चौधरी चढ्ने लु ३४ प ४१० नम्बरको मोटरसाइकल लिएर भागेका हुन्। उनी प्रहरी जवान चौधरीसँग त्यही मोटरसाइकलमा अस्पताल गएका थिए। उपचारका लागि हत्कडी खोल्नासाथ मोटरसाइकल चढेर उनी भागेको प्रहरी जवान चौधरीको भनाइ छ। तर उनले यो जानकारी ढिला दिएको भन्दै उनलाई पनि प्रहरीले हि रासतमा लिएर अनु सन्धान गरिरहेको दाङ जिल्ला प्रहरी कार्यालयले जनाएको छ। भागेका कैदीको पनि लोकेसन पत्ता लागिसकेको र चाँडै प क्राउ पर्ने दा बी प्रहरीले गरेको छ।

Read More

नेपाल टेलिकम को तिहार बिशेष अफेर डाटा अनि भ्वाइस प्याक

Festival Offer!!! यस चाडपर्वको अवसरमा नेपाल टेलिकमले ल्याएको Festival Offer अन्तर्गत आफूलाई उपयुक्त हुने Voice Pack र Data Pack रोजी ख़ुशीसाथ रमाउनुहोस्। सेवा सुचारु गर्नको लागि *1415# डायल गर्नुहोस् वा NT App प्रयोग गर्नुहोस्। यो offer कार्तिक १६ देखि २४ गते सम्म लागू रहने छ।

Read More

माछा मार्ने क्रममा करेन्ट लाग्दा महेन्द्रनगरका एक योवकको मृत्यु

भोजपुरको पिखुवाखोलामा माछा मार्ने क्रममा करेन्ट लाग्दा एक युवकको ज्यान गएको छ। करेन्ट लगाएर माछा मार्ने क्रममा पिखुवा हाइड्रोपावरमा काम गर्ने मजदुर महेन्द्रनगरका ३४ वर्षीय रामबहादुर आलेमगरको सोमबार मृत्यु भएको जिल्ला प्रहरी कार्यालयका प्रमुख कृष्णकुमार चन्दले जानकारी दिए। उनले भने, “माछा मार्ने क्रममा पिखुवाखोलामा एक जना ढलेको भन्ने हामीलाई जानकारी आएपछि प्रहरी टोलीसहित म आफैँ घटनास्थलमा पुगेँ। त्यहाँ पुग्दा तार समातेको अवस्था शव फेला प¥यो। नजिकै उनले मारेको माछा र ढडियासमेत पनि फेला परेको छ। घटनाको प्रकृति हेर्दा करेन्ट लागेर ज्यान गएको देखिन्छ। शव परीक्षण रिपोर्टपछि थप अनुसन्धान हुन्छ।”

Read More

दाङमा गोली लागेर एकको मृत्यु

तुलसीपुर, १४ चैत । दाङमा गोली लागेर एक जनाको मृत्यु भएको छ । घोराही उपमहानगरपालिका–१३ का ५० वर्षीय टेकबहादुर गुरुङको गोली लागेर मृत्यु भएको जिल्ला प्रहरी कार्यालय दाङका प्रमुख एसपी गणेश चन्दले जानकारी दिनुभयो । गुरुङको घटनास्थलमै मृत्यु भएको उहाँले बताउनुभयो । उहाँका अनुसार घटना घोराही उपमहानगरपालिका–१२ को जंगलमा गएराती भएको हो । गुरुङलाई सिकार खेल्न गएका व्यक्तिले गोलि चलाएको हुन सक्ने उहाँले बताउनुभयो । घटनाबारे थप विवरणहरू आउन बाँकी रहेको प्रहरीले जनाएको छ । गोली चलाउने व्यक्तिलाई नियन्त्रणमा लिइसकेको र आज दिउँसो सार्वजनिक गरिने प्रमुख चन्दले जानकारी दिनुभयो ।

Read More

दाङमा रोकिराखेको ट्रकमा मोटरसाइकल ठोकिदा एक जनाको मृत्यु, एक गम्भीर

दाङ, चैत ११। दाङमा रोकिराखेको ट्रकमा मोटरसाइकल ठोकिदा एक जनाको मृत्यु छ भने एक जना गम्भीर घाइते भएका छन् । घोराही उपमहानरपालिका वडा नम्बर ७ जबरपुर स्थित भित्री सडकमा रोकिराखेको ट्रकमा मोटरसाइकल ठोकिदा मोटरसाइकल चालक घोराही उपमहानरपालिका वडा न ५ का २१ वर्षीय रबिन डाँगीको मृत्यु भएको प्रहरीले जनाएको छ। अर्का मोटरसाइकलमा सवार सोही ठाउँका २२ वर्षीय सिरिन्ज भण्डारी गम्भीर घाइते भएको प्रदेश प्रहरी कार्यालय तुलसीपुरले जनाएको छ। दुर्घटनापछि गम्भीर घाइते दुबै जनालाई राप्ती स्वास्थ्य विज्ञान प्रतिष्ठान घोराहीमा ल्याउदै गर्दा डाँगीको बाटो मै मृत्यु भएको थियो । उहाँको शवलाई अहिले सोही अस्पतालमा राखिएको छ । भण्डारीलाई भने प्रतिष्ठानमा सामान्य उपचारपछि मेडिकल कलेज कोहलपुर बाँकेमा रिफर गरिएको प्रहरीले जनाएको छ। उहाँको टाउको,मुख ,दुबै हात र छातीमा चोट लागेको छ । आज विहान साढे २ बजे रोकी राखेको ना ४ ख ८३३७ नम्बरको ट्रकमा रा ४ प ४९१४ नम्बरको मोटरसाइकल पछाडीबाट ठोकिएको थियो । प्रहरीले दुबै सवारी साधन र ट्रक चालकलाई नियन्त्रणमा लिएको छ । यसैबीच दाङमा दुई दिन लगातार सवारी दुर्घटना भएको छ । हिजो मात्र तुलसीपुरमा स्कुल बस दुर्घटना हुँदा १ जना विद्यार्थीको मृत्यु भएको थियो । घोराहीमा पनि हिजो बस दुर्घटना हुँदा २१ जना घाइते भएका थिए । सवारी दुर्घटना चालककै लापर्वाहीले गर्दा हुने गरेको प्रहरीले बताउने गरेको छ ।

Read More

ट्रकको ठक्करबाट मुख्यमन्त्रीका अङ्गरक्षकको मृत्यु

नेपालगन्ज।ट्रकको ठक्करबाट मुख्यमन्त्रीका अङ्गरक्षकको मृत्यु भएको छ। जनकपुरको मिथिला नगरपालिका १० लालगढस्थित मोडल अस्पतालनजिक आज  बिहान साढे दुई बजे प्रदेश नम्बर २ क मुख्यमन्त्री लालबाबु रावतका अङ्गरक्षक  प्रहरी सहायक निरीक्षक मदनजंग कापर सवार मोटरसाइकललाई ट्रकले ठक्कर दिएको थियो। ट्रकको ठक्करले उनको घटनास्थलमै मृत्यु भएको प्रहरीले जानकारी दिएको  छ। प्रहरी सहायक निरीक्षक कापर सवार लु ५३ प ८५७५ नम्बरको मोटरसाईकललाई  ठक्कर दिने ट्रकको नम्बर नखुलेको प्रहरीले जानकारी दिएको छ। ट्रकको खोजीकार्य जारी रहेको प्रहरीले जानकारी दिएको छ। प्रहरी सहायक निरीक्षक कापरको  शव पोष्टमार्टमका लागि प्रादेशिक अस्पताल जनकपुरधाम राखिएको छ  ।

Read More

कोरोनाभाइरस ३ जनामा पुष्टि

काठमाण्डौं । नेपालमा ३ जनामा नयाँ प्रजातिको कोरोनाभाइरस पुष्टि भएको छ । २८ वर्षीया महिला तथा ६७ र ३२ वर्षीय पुरुषमा नयाँ प्रजातिको कोरोनाभाइरस पुष्टि भएको हो । स्वास्थ्य तथा जनसंख्या मन्त्रालयले सोमबार एक विज्ञप्ति जारी गर्दै ३ जनामध्ये २८ वर्षीय महिला ३२ वर्षीय पुरुषको हाल आरटीपीसीआर रिपोर्ट नेगेटिभ रहेपनि अर्का ६७ वर्षीय पुरुष भने अझै पनि पोजेटिभै रहेको जनाएको छ । उनीहरुमा नयाँ प्रजातिको कोरोना आशंका भएपछि नमुना परीक्षणका लागि हङकङ पठाइएको थियो । संक्रमित उनीहरु सबै बेलायतबाट नेपाल आएका थिए । उक्त प्रजाति बेलायतमा देखिएकै नयाँ भेरियन्ट भएको पुष्टि भएको पनि मन्त्रालयलेृ जनाएको छ ।मन्त्रालयले जबसम्म रोगको भ्याक्सिन नेपालमा उपलब्ध हुँदैन त्यतिन्जेलसम्म सावधानी अपनाउनुपर्नेमा जोड दिँदै भीडभाडमा नजाने, जानुपरेपनि दुई मिटरको दुरी कायम राख्ने, बाहिर जाँदा अनिवार्यरुपमा मास्क लगाउनेलगायतका उपाय अपनाउन पनि आग्रह गरेको छ ।

Read More

यस्ता खानाको कारण अनुहारमा डंडीफोर आउन सक्छ हेर्नुहोस के के हुन ती खाना ?

काठमाडौँ । धेरै युवायुवतीहरु डन्डीफोरको समस्याले पीडित हुने गरेका छन्। डन्डीफोर छालामा हुने एक प्रकारको रोग हो भन्ने कुरा नबुझ्दा र डन्डीफोर निको पार्ने भन्दै विभिन्न घरेलु उपाय अपनाउँदा धेरैले अनुहारको सुन्दरता गुमाउँछन्। मानिसको शरीरमा हुने रौँको फेदमा स–साना प्वाल हुन्छन्। रौँको जरामा जोडिएर बसेको एक प्रकारको ग्ल्यान्ड हुन्छ। यो ग्ल्यान्डले छालालाई चिल्लो बनाउने विशेष प्रकारको रस उत्पादन गर्छ। जुन बेला रौँको जरामा रहेको प्वाल बन्द हुन्छ, त्यस्तो बेलामा छालालाई चिल्लो बनाउने रस बाहिर निस्कन पाउँदैन। यो छालाभित्रै जम्छ। यसरी जमेको अवस्था नै डन्डीफोर अर्थात् पिम्पल्सको अवस्था हो। डन्डीफोरका चारवटा तह हुन्छन्। स्वास्थ्य विज्ञानले ग्रेड एकदेखि चारसम्म यसको वर्गीकरण गरेको छ। डन्डीफोरको पहिलो चरण ‘ब्ल्याक हेड’ हो। काला स–साना गिर्खा अनुहारमा भएको अवस्थालाई नै ब्ल्याक हेड मानिन्छ। चौथो चरणमा पुगेको डन्डीफोरमा पीप र रगत नै जमेको हुन्छ। डन्डीफोर आइसकेपछि त्यसमा ब्याक्टेरियाको इन्फेक्सन हुने भएकाले यसले छालालाई थप हानि पुर्यानउँछ। अनुहार, छाती, कुम र कहिलेकाहीँ ढाडमा पनि डन्डीफोर आउँछन्। कपडाले ढाक्ने भागमा डन्डीफोर आउँदा खासै फरक पर्दैन। तर, अनुहारमा डन्डीफोरले दाग, धब्बा र स–साना खाल्टा छोडेर जाने भएकाले यो धेरैको पिरलोको बिसय बन्ने गरेको छ।डन्डीफोर धेरै चिल्लो छालामा देखिने रोग हो। यसबाट जोगिनको लागि छालालाई ड्राई राख्ने कुरामा ध्यान दिनुपर्छ। जीवनशैलीमा ध्यान दिनुपर्छ। धेरै चिल्लो खानु हुँदैन। चकलेट धेरै खानेहरूलाई पनि डन्डीफोरको समस्या देखिन सक्छ। डन्डीफोर आएकाले तेलबाट जोगिनुपर्छ। कपालमा तेल हालेर बस्ने गर्नु हुँदैन। अनुहारको चिल्लो हटाउन क्लिन्जिङ गर्नुपर्छ। दिनमा तीनचारपटक मुख धुनुपर्छ। छालालाई सुक्खा बनाउने क्रिम लगाउनुपर्छ। डन्डीफोरले निकै नै दुःख दिएको छ भने एन्टिबायोटिक क्रिम लगाउने र औषधि समेत खानुपर्ने पनि हुन्छ ।

Read More

फेसबुक म्यासेन्जरमा देखियो समस्या, तपाईंले गरेको कुराकानी अरुले सुन्न सक्ने

हामी कतिपय अवस्थामा टेलिकम सेवा प्रदायक र सरकारले मोबाइलमा हुने हाम्रो कुराकानी सुनिरहेको हुन्छ भनेर ठट्टा गरिरहेका हुन्छौं । तर, त्यो सत्य होइन नै भन्दा फरक पर्दैन । किनभने कुनै पनि व्यक्तिले गरेको कुराकानी सरकारले पनि कुनै विशेष अवस्थामा बाहेक सुन्न पाउने कानुनी प्रावधान छैन । तर, यहाँ त तपाईंले फेसबुक म्यासेन्जरमा गरिरहनु भएको कुराकानी अर्काले सुन्न सक्ने समस्या फेला परेको छ । यो फेसबुक म्यासेन्जरमा देखिएको समस्या हो । फेसबुक म्यासेन्जरमा देखिएको यो बगबारे गुगल प्रोजेक्ट रिसर्चर न्याट्ली स्लिभानोभिचले अघिल्लो महिना पत्ता लगाएका हुन् । उनका अनुसार यो समस्या एन्ड्रोइड फोन प्रयोगकर्तामा देखिएको छ । यसका लागि ह्याकरले प्रयोगतर्कालाई फोन कल गर्छ र उक्त फोन कलसँगै उसले नदेखिने म्यासेज पठाउँछ । उक्त कल तपाईंले नउठाउँदा पनि उसले म्यासेज छाड्न सक्छ । उक्त म्यासेजमार्फत ह्याकरले त्यसपछिका दिनमा हुने कललाई सहजै सुन्न सक्ने जनाइएको छ । तर, धन्य यो छ कि प्रयोगकर्ता र ह्याकर दुवैले एन्ड्रोइड फोनमार्फत म्यासेन्जर लगइन गरेको हुनुपर्नेछ । सँगै प्रयोगतर्काको हकमा उसले वेब भसर्नमा पनि म्यासेन्जर लगइन गरेको हुनुपर्नेछ । त्योभन्दा पनि महत्वपूर्ण कुरा ह्याकरले कल गर्ने भएकाले ह्याकर र प्रयोगकर्ता यसअघि नै साथी हुनुपर्नेछ ।

Read More

शिकार खेल्न जाँदा दाङका एक युवाको गोली लागेर मृत्यु

दाङ, ३ मंसिर। दाङमा बन्दुकको गोली लागेर शिकार खेल्न गएका एक जनाको मृत्यु भएको छ । बंगलाचुली गाउँपालिका वडा नम्बर २ टाकुराको गर्जेङ भन्ने स्थानमा शिकार खेल्न गएका एक जनाको गोली लागेर मृत्युभएको हो । जंगलमा दिनभर शिकार खेलेर घर फर्कदै गर्दा बन्दुक बोकेका २७ बर्षिय टोपबहादुर घर्ती चिप्लीएर लड्दा बन्दुक पड्कीएको र पछिपछि हिडेका ४१ बर्षिय भोजबहादुर घर्तीको छातीमा गोली लागेको बताईएको छ । बदेल र कालिजको शिकार गर्न उनिहरु जंगल गएको परिवारले बताएका छन् । तर शिकार नभेटिएपछि उनिहरु राती पौने ९ बजे तिर घर फर्कने क्रममा उक्त घटना भएको थियो । घटना स्थलमा इलाका प्रहरी चौकी कमिरेचौरका इन्चार्ज प्रहरी नायब निरिक्षक किसन खड्काको नेतृत्वमा र जिल्ला प्रहरी कार्यालयको प्रहरी समेत पुगेर अनुसन्धान सुरु गरेको छ । बन्दुक बोकेका व्यक्तिलाई प्रहरी नियन्त्रणमा लिएको छ ।

Read More

तिहारमा टेलिकमका सेवामा छुट अफर योजना

काठमाडौं, २८ कार्तिक। । नेपाल टेलिकमले तिहार, नेपाल संवतको नयाँ वर्ष तथा छठपर्वका अवसरमा विभिन्न छुट र अफरका साथै केही नयाँ प्याकेजहरु पनि उपलब्ध गराउने भएको छ । कम्पनीले फेस्टिभल अफरका रुपमा दशैंको अवसरमा उपलब्ध गराएका केही छुटलाई तिहारको अवसरमा समेत निरन्तरता दिने भएको छ । यी अफरहरु काग तिहार (कात्तिक २८, २०७७) देखि छठपर्व (मंसिर ५, २०७७) सम्म उपलब्ध हुनेछन् । यसका साथै सेवाग्राहीको सुविधाका लागि थप विशेषतासहितको अटम अफरका प्याकेजहरु कात्तिक २८ गतेबाटै लागू हुने जनाएको छ ।

फेस्टिभल अफरका रुपमा जीएसएम/सीडीएमए मोबाइलको व्यालेन्स टप अप गर्दा निम्नानुसारको बोनस उपलब्ध हुनेछ । जसमा रिचार्ज कार्डबाट रु. ५० रिचार्ज वा एमपोसबाट रु. २० देखि रु. ५० सम्म रिचार्ज गर्दा सोही दिनका लागि ५ मिनेट वोनस, रिचार्ज कार्डबाट रु १०० वा एमपोसबाट रु. ५१ देखि रु.१०० सम्म रिचार्ज गर्दा सोही दिनका लागि १० मिनेट वोनस, रिचार्ज कार्डबाट रु. २०० वा एमपोसबाट रु. १०१ देखि रु. २०० सम्म रिचार्ज गर्दा सोही दिनका लागि २० मिनेट वोनस, एमपोसबाट रु. २०१ देखि रु. ४९९ सम्म रिचार्ज गर्दा सोही दिनका लागि ३० मिनेट वोनस, रिचार्ज कार्डबाट रु. ५०० वा एमपोसबाट रु. ५०० देखि रु. ९९९ सम्म रिचार्ज गर्दा दुई दिनभित्र प्रयोग गर्न सकिने गरी ५० मिनेट वोनस र रिचार्ज कार्डबाट रु. १००० वा एमपोसबाट रु. १००० वा सोभन्दा माथि रिचार्ज गर्दा दुई दिनका लागि १०० मिनेट वोनस सेवा उपलब्ध हुनेछ । अटम अफरमा थप सुविधाहरुमा कम्पनीले ७ दिनसम्म प्रयोग गर्न सकिने गरी प्रतिदिन १०० मिनेट र २८ दिनका लागि प्रतिदिन १०० मिनेट चलाउन मिल्ने छुट्टाछुट्टै इको भ्वाइस प्याक उपलब्ध गराउने भएको छ । ७ दिनका लागि उपलब्ध हुने यस प्याकेजको मूल्य रु. ९५ हुनेछ भने २८ दिनका लागि उपलब्ध हुने प्याकेजको मूल्य रु. ३७५ हुनेछ । यी प्याक अन्तर्गत क्रमशः ७०० र २८०० मिनेट भ्वाइस कल गर्न सकिने छ । यसैगरी भ्वाइस र डाटा प्याक दुवै सुविधा समेत लिन सकिने नयाँ इको डाटा प्याक विथ भ्वाइससमेत उपलब्ध गराइएको छ । यस अन्तर्गत प्रतिदिन १४ मिनेट कुराकानी गर्ने र प्रतिदिन १ जिबी डाटा प्रयोग गर्न सकिने गरी ७ दिनका लागि रु. ९५ मा जम्मा ९८ मिनेट भ्वाइस कल गर्न र ७ जीबी डाटा चलाउन सकिने छ । साथै रु. ३७५ मा २८ दिनसम्म प्रयोग गर्न सकिने गरी जम्मा ३९२ मिनेट भ्वाइस कल र २८ जीबी डाटा सहितको प्याकेज उपलब्ध हुनेछ । ग्राहकको सहजताका लागि सबै किसिमका डाटाका साथै फेसबुक र युट्युब चलाउन मिल्नेगरी लार्ज सोसियल मिडिया प्याकमा निम्न छुट उपलब्ध हुनेछ । जसमा रु १८० मा ७ दिनका लागि अल डाटा ४ जीबी र प्रत्येक दिन १ जीबी फेसबुक तथा युट्युब चलाउने गरी ७ जीबी सहित जम्मा ११ जीबी डाटा, ५९९ मा अल डाटा १० जीबी र २८ दिनसम्म प्रत्येक दिन १ जीबी गरी फेसबुक तथा युट्युब चलाउन २८ जीबीसहित जम्मा ३८ जीबी तथा यसरी उपलब्ध डाटामध्ये अल डाटाबाट २४सै घण्टा जुनसुकै एप चलाउन र प्रत्येक दिन प्राप्त हुने १ जीबी डाटाले युट्युब र फेसबुक चलाउन सकिने छ । युट्युब र फेसबुकसम्बन्धी सबै डाटा जुनुसुकै समयमा र जुनसुकै नेटवर्कमा प्रयोग गर्न सकिने छ । यसैगरी रु. ७४९ को ३० दिन चलाउन मिल्ने पोस्टपेड (प्रिमियम) प्याक लिन सकिने छ र यसबाट ८०० मिनेट कम्पनीकै नेटवर्कमा र ७५ मिनेट अन्य नेटवर्कमा कल गर्न सकिने छ । त्यसैगरी ८ जीबी डाटा भोल्युम चलाउन र ५०० वटा एसएमएस गर्न सकिने छ । विभिन्न प्याकेज प्राप्त गर्नका लागि ग्राहकले *1415# डायल गर्नुपर्नेछ । कम्पनीको ‘नेपाल टेलिकम एप’ तथा कम्पनीको वेबसाइट www.ntc.net.np मार्फत यस सम्बन्धी विस्तृत जानकारी लिन तथा सेवा खरिद गर्न सकिने टेलिकमका प्रवक्ता राजेश जोशीद्वारा जारी विज्ञप्तिमा उल्लेख छ ।

Read More

तातोपानी नाका असोज १९ देखि खुल्ने

१३ असोज, काठमाडौं । सिन्धुपाल्चोकको तातोपानी नाका असोज १९ गतेदेखि सञ्चालन हुने भएको छ । सिन्धुपाल्चोकका प्रमुख जिल्ला अधिकारी उमेश ढकालले असोज १९ देखि नाका खुलाउने सहमति भएको जानकारी दिए । आज (मंगलवार) चिनियाँ टोली र भन्सारका प्रतिनिधि समेतको छलफलले १९ गतेदेखि भन्सार सुचारू गर्ने निर्णय गरेको ढकालले बताए ।

Read More

‘हिम चितुवा’ आङरिता शेर्पाको निधन

५ असोज, काठमाडौं । ‘हिम चितुवा’ उपनामले परिचित पर्वतारोही आङरिता शेर्पाको निधन भएको छ । नेपाल पर्वातारोण संघका पूर्वअध्यक्ष आङछिरिङ शेर्पाका अनुसार सोमबार विहान १० बजे जोरपाटीस्थित आफ्नो छोरीको घरमा आङरिता शेर्पाको निधन भएको हो । उनी लिबर र ब्रेन सम्बन्धी समस्याबाट पीडित थिए १० पटक बिना अक्सिजन सगरमाथा आरोहण गरेको विश्व रेकर्ड शेर्पाको नाममा छ । उनको अन्त्यष्टि धार्मिक परम्पराअनुसार हुने आङछिरिङ शेर्पाले जानकारी दिए ।

Read More

दाङ्ग को बंगलाचुली गाउँपालिकामा रहेका सामुदायिक विद्यालयहरु संचालनमा

दाङ्ग बंगलचुली,४ असोज दाङको बंगलाचुली गाउँपालिकामा रहेका सबै सामुदायिक विद्यालयहरु आज आईतबार देखि संचालनमा आएका छन् । गाउँपालिकामा रहेका ४२ वटा सामुदायिक विद्यालय, ९ वडा बाल विकास केन्द्र र एउटा बोर्डिङ स्कुलमा आज देखि पठन पाठन सुरु भएको छ । गाउँपालिकाले पहिलो चरणमा वाल विकास केन्द्र देखि ५ कक्षा सम्मको पठन पाठन सुरु गर्ने निर्णय अनुसार आजदेखि पठन पाठन सुरु भएको हो । त्यसैगरी ६ देखि माथिको कक्षा भने गाउँपालिकाको बैठक बसी पाठ्यक्रम निर्धारण गरेर संचालन गरिने तयारी भएको छ ।गाउँपालिकामा शिशु देखि कक्षा पाँच सम्म ४ हजार ९ सय ७६ विद्यार्थी रहेका छन् । गाउँपालिकामा जम्मा जम्मी ७ हजार २ सय ५४ जना विद्यार्थीहरु रहेका छन् । नेपाल सरकार शिक्षा तथा प्रविधि मान्त्रालयले जारी गरेको विद्यार्थि सिकाई सहजिकरण निर्देशिका २०७७ को गाईडलाईन अनुसार गाउँपालिकाले पठनपाठन कार्यलाई संचालन गरेको बंगलाचुली गाउँपालिकाका प्रमुख प्रशासकीय अधिकृत नेव बहादुर वालीले बताउनु भयो । लामो समय सम्म लकडाउन भए पछि विद्यार्थिहरुको पढाई अन्यौलमा परेको हुँदा स्वास्थ्य सुरक्षा अपनाउँदै पठन पाठन कार्यलाई सुरु गरीएको प्रमुख प्रशासकीय अधिकृत वलीले बताउनु भयो ।

Read More

सहयोग को लागि अपिल गर्दै सञ्चारकर्मी बलवीर / मृगौला सम्बन्धी समस्या

सहयोगका लागि विनम्र अनुरोध गरिन्छ "" ==========Basic Technical Support========= (आफू भलो जगत भलो) (सेवा नै धर्म हो) (पुण्य कमाउन मन्दिर धाउनु पर्दैन , दुखमा परेका मान्छेलाई सहयोग गर्नुस् , ढुङ्गा लाई पैसा चढाउनु भन्दा विगत ७ वर्ष देखी मृगौला को समस्या भोग्दै आएका, मृत्युलाई जितेर जस्तोसुकै पिडादायी अवस्थामा पनि संघर्ष गर्दै एक सामान्य पारिवारिक अवस्थामा जीवन चलाइरहेका व्यक्ति जसले जो कोहि को दुख देख्न नसक्ने , अरुको दुख पिडा पनि आफनै सम्झेर आफुसङग नभएपनी आफ्नो गाँस काटेर सहयोग गर्न पछि नपर्ने , पानीको झरी होस या चर्को घाम , दिन , रात केहि नभनी आफ्नो भन्दा गरिब दुखिको सेवामा निश्चल भावना का साथ आफ्नो पीडा लुकाएर भएपनि अरुको ओठमा मुस्कान छर्न तल्लीन रहने एक कुशल सञ्चारकर्मि Bastabik Khabar का संचालक बल्बीर नेपालीको अहिले मृगौला को समस्या झन बढेको छ, विगत ७ वर्षदेखी औषधि उपचार गर्दा गर्दा आफुसङग भएको पैसा पनि सकियो , घरको आर्थिक अवस्था नाजुक छ , घरको खर्च चलाउने आमा बुबाको हेरचाह गर्ने आफै विरामी भएपछि झनै समस्या परेको छ, बलबिरको उपचारका लागी, उनको जीवन बचाउनको लागि सबैसंग सहयोगको हार्दिक अपिल गर्दछु ।। (तपाइको १ रुपैयाले कसैको जीवन बाच्न (कृपया सकेको पैसा सहयोग गरौं ,नसके शेयर गरेर सहयोग गरौं ) बलबिर नेपाली : 9822896128 थप जानकारीको लागि WhatsApp number +918851956806 एक ले थुकी सुकी सयले थुकी नदी भने जस्तै सबैको साथ अनि सहयोग ले बलवीर को नयाँ जीवन सुरुवात हुने छ

Read More

संविधान दिवसको अवसरमा नेपाल टेलिकम अनलिमिटेड प्याक

१ असोज, काठमाडौं । संविधान दिवसको अवसरमा नेपाल टेलिकमले आफ्ना सेवामा विभिन्न प्याकेज सुविधा उपलब्ध गराउने भएको छ ।

असोज २, ३ र ४ गते अनलिमिटेड युट्युब तथा अनलिमिटेड फेसबुक प्याक छुट्टाछुट्टै ५५ रुपैयाँ प्रतिप्याकमा खरिद गरी तीन दिनसम्म प्रयोग गर्न सकिनेछ । साथै अनलिमिटेड युट्युब र अनलिमिटेड फेसबुक प्याकमध्ये कुनै एक प्याक खरिद गर्ने ग्राहकले एड–अन प्याकको रुपमा १५ रुपैयाँमा एक जीबी डाटा प्याक खरिद गरी डाटा प्रयोग गर्न सकिने सुविधासमेत उपलब्ध हुनेछ । यो प्याक पनि खरिद गरेको मितिदेखि तीन दिनसम्म प्रयोग गर्न सकिनेछ । अहिले समर अफर अन्तर्गत २८ दिनको समयावधि हुने दैनिक एक जीबी डाटा प्याक आठ सय ५० रुपैयाँमा उपलब्ध भइरहेकोमा संविधान दिवसको अवसरमा यो प्याक पाँच सय ५५ रुपैयाँमा उपलब्ध हुनेछ । संविधान दिवसका अवसरमा उपलब्ध अफरहरु *1415*11# डायल गरी प्राप्त गर्न सकिन्छ ।

Read More

नेपाल टेलिकमले ल्यायो विद्यार्थीको लागि 24जी. बी.डाटा

अब सबैतिर धमाधम अनलाइन कक्षा शुरु हुँदैछन्, सबैतिर वाइफाइ सुविधा नहुनसक्छ । त्यसका लागि शिक्षा मन्त्रालय र नेपाल टेलिकमबीच भएको सम्झौताअनुसार सहुलियत दरमा विद्यार्थीले Happy Learning Pack प्रयोग गर्न पाउने छन् । नेपाल टेलिकमको बेवसाइटभित्र गएर विद्यालयले आफ्ना विद्यार्थीको फाराम भरेर यो सुविधा सुचारु गरिदिनसक्छन्, मासिक ३१५ रुपैयाँमा २४ जीबीको सुविधा लिएर विद्यार्थीले जति पनि अनलाइन कक्षामा अध्ययन गर्न सक्नेछन् । यसमध्ये विद्यार्थीले २० जीबी अनलाइन कक्षा (जूम, गुगल मीट र माइक्रोसफ्ट टीम)कै लागि प्रयोग गर्ने छन् भने बाँकी चार जीबी अन्य एप्सका लागि पनि प्रयोग गर्नसक्ने छन् । https://ntc.net.np/student-kyc https://ntc.net.np/student-kyc%E0%A4%85%E0%A4%AC

Read More

टिपरको ठक्करले प्रहरीको मृत्यु

बुटवल २८-भदौ - रुपन्देहीमा टिपरको ठक्करबाट एक प्रहरी जवानको मृत्यु भएको छ । पूर्वपश्चिम राजमार्गअन्तर्गत बुटवल धागो कारखानानजिकै टिपरको ठक्करबाट शनिबार साँझ प्रहरी जवान अमित श्रेष्ठको ज्यान गएको हो । दुर्घटनामा अर्का प्रहरी जवान सन्तोषी थारु घाइते भएका छन् । जिल्ला प्रहरी कार्यालय, बागलुङबाट बिदा लिएर घर आएका श्रेष्ठ र सोही कार्यालयमा कार्यरत थारु सवार स्कुटरलाई लु१ख ८९९ नम्बरको टिपरले अगाडिबाट ठक्कर दिएको थियो । गम्भीर घाइते भएका श्रेष्ठको उपचारका क्रममा भैरहवास्थित युनिभर्सल मेडिकल कलेजमा मृत्यु भएको जिल्ला प्रहरी कार्यालय रुपन्देहीका प्रवक्ता डीएसपी खड्कबहादुर खत्रीले बताए ।

Read More

दाङमा पक्कि सडक भासियो

२८ भदौ । दाङमा पहिरो सँगै सडक भाँसिदा दुर्घटनाको जोखिम बढेको छ । लमही(घोराही सडक खण्ड अन्तरगत लमही नगरपालिका वडा नम्बर ६ कुलमोहर देखि करिब २ किलोमिटर उत्तर जँगलमा पक्कि सडक भाँसिदा दुर्घटनाको खतरा बढेको हो ।आइतवार विहान ५ बजेको समयमा सडकको दायाँ पट्टीको भाग खोलामा पहिरो बनेर झरेपछी आवात जावातमा खतरा बढेको छ । सडक भाँसिदा दुबै साईड चिराचिरा परेको छ । अहिले सडक मर्मतका लागि वडा प्रहरी कार्यालय लमही र अस्थायी ट्राफिक पोष्ट लमहीको टोली जेसिबि सहित पुगेको छ ।

Read More

जन्मने वितिक्कै यी बच्चाले डाक्टरलाइ यसरी हेरे

१९ फागुन, एजेन्सी । जन्मेका केहि बेरमा एउटा बालककाे तस्विर सामाजीक संजालमा चर्चित भयाे । उनी हुन इजावेल ब्राजिलकाे । फेव्रीवरी १३ मा उनकाे जन्म भएकाे थियाे । जन्मिदा उनि राेइनन, उनलाइ रूवाउने प्रयास गर्दा खिचिएकाे यस तस्विर भइरल भएकाे हाे ।

Read More